الأنسان

شعر بالعاميه عن احوالنا فى ثوره مصر

2011-12-26T21:50:00.000+02:00

ثوره مصر

اصحوا وفوقوا يامصريين

فين الثوره .. فين الشعب

فين الملايين

ثوره مصر

بح خلاص

ثوره وكانت

ثوره اتسرقت

ثورها سرقها

الجيش والعسكر

والاخوان والسلفيين

ثوره وكانت

حلم الشعب

حلمه ببكره .. وحلمه ببعده

حلم بسيط .. بالحريه

عمره مافرق حتى فى أحلامه

بين اسلامى او نصرانى

باأسم الدين

وحلمه اتحقق

حلم جميع المصريين

فاكرين

لما وقفنا وقلنا

لازم يمشى .. الظالم يمشى

كل منافق .. وكل حرامى

يامش ماشيين

لقينا بسرعه .. ولازم اتذكر

يوم تلاتين

كل عميل .. وكل منافق

غير جلده .. وغير أسمه

ودخلوا مابينا .. ووقفوامعانا

وسبوا مبارك .. ولعنوانظامه

ولبسوا الوش ..زى كتير مالثوريين

وبعد الثوره

ركبوا عليها وضحكوا علينا

وقالوا ع الشعب

ده مش جاهز

لازمه حمايه ولازمه وصايه

باسم الدين

أما العسكر .. قالوا علينا

شعبنا همجى .. مش متنظم

لازمه الظبط .. ولازمهالربط

وهيحتاج .. حبه تمارين

علشان يحكم .. أو يتحكم

أو يتكلم باسم جميع المصريين

أزاى هيمشى

دوله كبيره و تعداد ناسها

بالملايين

وطبعا هم .. هتلاقى فيهم

اللى هيظبط .. واللى هيربط

ويقهمنا نمشى .. امورنا

أما التانى

هيلبس شيخ

يوعظ فينا ... ويفهمنا

أزاى نحكم باأسم الدين

اول نصبه .. لما العسكر

جابوالنا وزاره

واختاروا وزرا

وعملوا دعايه .. وفيلم كبير

قالوا فى بدايته

ان كبيرهم .. دا أشرف واحد

أحسن واحد

ده طول عمره .. عدو مبارك

ونفسه يشوفه .. وهو معلق

م الرجلين

وبعد شويه .. كشفنا حقيقته

وقلنا يغور .. فى ستينداهيه

هو وشكله وساعته وشرزه

ويريحنا من أشكال ..المنتفعين

جابوا لنا التانى .. أسمه شرف

اسم نضيف .. واصل شريف

لكن حطوا معاه

يجيى كام واحد ..من اتباعهم

الو حشين

كتفوا ايده .. وكتفوا رجله

وقالوا يروح .. يرضىالملايين

وسابوا كلابهم .. تعمل ثوره

تحت الارض وتقتل فينا

التغيير والحريه ..وحلم سنين

والتانيين

بيهاجمونا .. ويحاربونا

بااسم الدين

بس الثوره

ضرورى ولازم

تكمل حتما ..ضد العسكر

وضد الفاجر .. واللى يتاجر

باسم الدين

أصحوا وفوقوا يامصريين

بكره تشوفوا .. مصر بلدنا

لما بتصحى ..بتبقى جميله

وتلقى البسمه ..ضرورىولازمه

وركن اساسى فى خفه دم المصريين

هنرجع تانى .. نقول النكته

ونفرعها .. ونوزعها

وتبقى الضحكه .. ملو وشوشنا

ضحكه كبيره ..ضحكه تفرقع

ونوزعها ..شمال ويمين

ويبقى الحب .. اساسى مابينا

ويبقى العدل خير متوزع ع الملايين

ويبقى الواحد منا ..

راضىبحظه وحامد ربه.. وشاكر فضله

وكل حياته .. واهبها بكيفه

لولاد بلده المصريين

أصحوا وفوقوا يامصريين

ثوره وقامت ولازم تكمل

ومفيش حق هيضيع ابدا

للصاحين

اوعوا تقولوا احنا خلصنا

نهدى شويه ونسيب غيرنا

يجيبوا حقوقناباأسم الدين

طيب فكرونى

امتى الناس دى كانت صادقه

فى أى كلام .. أو أى يمين

تمانين عام مروا عليهمومروا علينا

ولا شوفناهم مره معاناقالوا لأ للظالمين.

لازم نفهم أن ولائهمللوهابى

وعمره ماكان للمصريين

أصحوا وفوقوا يامصريين

البحث فى الذكريات

2011-12-24T17:03:00.001+02:00

بعد سنوات رجعت هنا تانى ادور واشوف انا كنت ايه من سنين وكنت باافكر ازاى وكنت بااكتب ايه وياترى الكتابه كانت معقوله ولا شويه عك وتهييس . وبعد القرايه لقيت انى كنت احسن من دلوقتى وكنت بااكتب حاجات لها قيمه لكن النهارده انا بااكتب فى الفيس بوك تلغرافات وكمان تلغرافات ممكن ماتوصلش للناس يعنى رسايل منه واليه بعلم الوصول .. علشان كده قررت انى ارجع لمدونتى هنا واكتب اللى يعجبنى من تانى يمكن حد يقراه ولو ماحدش قراه .. برضه انشالله ماحد قراه .. يعنى انا هااقبض من اللى هيقراه لكن اهى شويه حاجات بتبقى حذقه الواحد يقوم يفرغها على الورق وينزلها من دماغه لانها بتبقى عامله زى ناموسه فى دماغ الواحد ولما بيرميها على الورق بيرتاح منها علشان يعطى فرصه لناموسه جديده تزن فى دماغه .. لما رجعت وقريت الكلام اللى كاتبه من كام سنه وقبل الثوره اللى قامت فى يناير لقيتنى زى مايكون كان مكشوف عنى الحجاب وكنت كاتب كلام كبير وكلام زى مااكون مكشوف عنى الحجاب وزى مااكون جبت النتيجه من الكنترول وكل كلمه كتبتها اتحققت يعنى ايه ؟ كده الواحد ممكن يصدق نفسه ويطول شعره ومايستحماش ويلبس هدوم معفنه ويعمل فيها فيلسوف الثوره وانه كان من العشره المبشرين بالثوره .. طيب وبعدين لو الثوره فشلت ولا العسكر عملوا انقلاب ولا الدقون ركبوا البلد وطلع النص الاخير من كلامك كذب هتنضرب مليون جزمه على دماغك ويقولوا للك ابقى اتغطى وانت نايم ... طيب ايه العمل ؟ .. انا لقيت أحسن حاجه أعملها أنى أأقعد هنا وأكتب اللى فى دماغى واهى حاجه للأيام وتفكرنى أنا كنت باافكر ازاى وازاى كنت بااشوف الدنيا وبعدين لو حد قرا الكلام وعجبه ماشى لكن اى حد ماعجبوش كلامى مش هاارد عليه بس هو كمان يكون عنده دم وبلاش يطول لسانه ... أنا كاتب الكلام ده لنفسى زى ماكنت بااكتب زمان الكلام اللى ييجى على دماغى فى كشكول واحطه فى الدرج واقراه كل مايهفنى مزاجى يعنى دى افكارى الشخصيه يمكن تنفع مع حد تانى ويمكن تودى غيره فى داهيه ... يعنى انا مش مسئول عن أى حد يتهبل وياخد كلامى ويعمل به ده كلامى انا وكاتبه لى انا وماليش دعوه بحد تانى . ومن النهارده هاارجع لمدونتى حبيبتى واكتب اللى يعجبنى واللى متضايق يخبط راسه فى راس المشير طنطاوى . معلهش أصل انا كل ماييجى يوم عيد ميلادى أعمل زى الخواجه لما يفلس ويدور فى دفاتره القديمه والحمد لله انا لاخواجه ولا حيلتى حاجه يعنى انا لاهااخاف من الفلس ولا عندى دفاتر قديمه غير دفاتر المديونيات اللى عليا وكده مش قلقان من حد هنا. يلا نبدا من دلوقتى بكتب هنا من جديد بس ياريت نسمع تسقيفه بقى علشان نطلع شويه من الجراب اللى مفتحنهوش من سنين ... ياااااااااااه كام سنه مرت وانا لم اسمع أو أرد على تعليق هنا ويمكن فيه ناس من اللى كانوا هنا رحلوا الى العالم الآخر ويمكن ناس كرهت المدونات واشتغلت على تويتر وفيس بوك لانه عامل زى سندوتشات تك اواى بتوصل سخنه وتتاكل وهى سخنه لكن المدونات عامله زى الطبيخ الدسم لما بتبرد ماينفعش ناكلها لازم نسخنها من تانى .. يعنى اعتبرونى راجع هنا اسخن الطبيخ البايت علشان نعرف ناكله . او نطبخ حاجه جديده تنفع لكل وقت ... عموما هنحاول نعمل كده وربنا يوفقنا ويبعد عننا ولاد المرشد وولاد ابو أسماعيل .
مع تحيات أبو النجوم

من سيحرر مصر ؟؟

2009-05-13T22:55:00.002+03:00

القادم ؟!

سؤال يحتاج الى أجابه شافيه وأجابه صريحه بدون خوف أو وجل أو حسابات للأرباح والخسائر ولكن قبل الاجابه هل مصر محتله حتى نحررها ؟ وأذا كانت محتله فهل الأحتلال داخلى أم خارجى ؟ وأيهما أفضل أن يظلمنى بنى جلدتى أم يظلمنى الأغراب عنى

القصه يبدو أنها طويله وسوف تحتاج للمزيد من الوقت للأجابه على كل الأسئله والرد على علامات الأستفهام الكثيره التى تتقافز فى مخيلتى كأنسان مصرى قد أكون مصيبا أو مخطأ ولكن فى النهايه هى أجتهادات فرديه للأجابه على الأسئله المحيره والمقلقه.

مصر محتله .... نعم أقولها بكل ثقه ووضوح نعم مصر محتله ولكى نتعرف على مدى الصدق فى الاجابه علينا المقارنه بين الأحتلال الأنجليزى لمصر ومانراه الأن .. فلقد كان الأحتلال عباره عن قوه عسكريه تفرض قانونها الخاص على شعب مصر واليوم هناك القوه العسكريه التابعه للحكم والتى تمكنه من فرض قانونه الخاص ...

لقد كان الأحتلال يسعى لتحقيق أهداف معينه مثل أستنزاف خيرات مصر واليوم هناك ماهو العن فهناك أستنزاف لكل القدرات الماليه والثقافيه وتحويلهم لأموال تحفظ فى بنوك سويسرا

لقد كان للأحتلال مجموعه من العملاء والجواسيس من بين أفراد الشعب المصرى يسبحون بحمده ويمكنوه من تحقيق أهدافه فى مقابل المنفعه الشخصيه لهم واليوم نرى الحاكم حوله مجموعه من العملاء والذين يطلق عليهم رجال الأعمال يسهلون للحاكم وأسرته الأستيلاء على ثروات مصر فى مقابل تسهيلات يحصلون عليها أو غض النظر عن تجاوزاتهم فى حق الشعب ويعاون العملاء فى مهمتهم الباحثون عن الوجاهه والمناصب والذين كانوا يشترون الألقاب أيام الملك وهؤلاء هم مايطلق عليهم مجازا الحزب الوطنى

غزه بين فكى الرحى

2009-01-07T16:02:00.004+02:00

ضاعت غزه كما ضاعت قبلها بقيه

الأراضى الفلسطينيه ...

آه ياغزه وأنت بين فكى الرحى فلا الأهل نصفوكى ولا العرب قالوا مابك !!!!!!!!!!!!

ضاعت غزه بين حماس وتجارتها بالدين وولائها لتنظيم الاخوان وبين موقف عربى مهين (وموقف مصر بالذات اكثر المواقف أهانه

بين العرب والمسلمين).

ماذا سيحدث الان بعد هذا الهجوم الغادر ستقوم الدنيا التى تحركها ابواق الاخوان مستغله اننا بطبيعتنا متدينين وكلنا نحلم بالحلم العربى

والقوميه العربيه وسيتعاطف الشعب العربى والأسلامى مع غزه وهو الوضع الطبيعى لكل أنسان يحمل بين جنباته قلب. ستقوم المظاهرات

العفويه والمرتبه ومن الطبيعى ان تتوجه المظاهرات الى حيث توجهها الأخوان وهى تنفذ فكره القطيع فتقود الغالبيه المتعاطفه خلفها وسوف

تركب الدعايه الأخوانيه الموجه وستتصدر صورهم الكاميرات وسوف تكون شعاراتهم الغالبه وهتافاتهم الاكثر سمعا للعامه.

وأما الموقف الرسمى المتخاذل فلن نعرف منه هل نحن مع أم ضد اليهود وسنسمع الكثير من التعبيرات الدبلوماسيه والكلام الذى سنخرج بعد سماعه ونحن أكثر غباء مما دخلنا ....

آآآآآآآآآآه ياغزه ملعون اليوم الذى صرت فيه جميله لتكونى مطمعا لليهود والعرب

آآآآآآآآآآآه ياغزه كم تدفعين من دماء أبنائك ليظل أصحاب الفخامه والسمو جالسين على كراسيهم ....

آآآآآآآآآآه ياغزه لك الله ولا تعتمدى على أحد سوى الله فلا حماس ستحررك ولا عباس سينصرك ولا مصر ستعلن الحرب من أجلك ولا دمشق ستحرك جيوشها للجولان ولا حسن نصر الله سيطلق صواريخه ليخفف الضغط عليك ولا تنتظرى إلا الكلام فنحن كعرب أصبحنا أبطال الحروب الحنجوريه وعظماء فى التعبيرات الملتهبه ولكن لن تجدى منا أفعال .... ملعون الصمت ولغه الصمت .... ملعونه مشاعرنا

المتبلده وملعونه كلمه الحق المحبوسه فى صدورنا ...... علينا اللعنه جميعا عرب ومسلمين ...

ماذا يحدث لو كان لدينا زعيم بمعنى الكلمه .. كان سيوقف تصدير الغاز لليهود .... وكان سيسحب السفراء من تل ابيب وواشنطن ... كان سيعلن تجميد اتفاقيه كامب ديفيد ..... كان سيفتح المعبر العربى الوحيد لغزه ..... كان سيسمح بدخول السلاح بكل أنواعه إلى غزه..

.. كان سيفتح باب التطوع للدفاع عن غزه ..... هذا إذا كان لدينا زعيم من الزعامه وليس من الزعم ..... لنا ولك الله ياغزه

ماذا سيحدث لو هدد العرب والمسلمون بالانسحاب من الامم المتحده وسحب السفراء من أمريكا ؟

ماذا سيحدث لو تحركت سوريا لتحرير الجولان ؟

ماذا سيحدث لو تحركت لبنان لتحرير الجنوب ؟

ماذا سيحدث لو الغت الاردن اتفاقيه وادى عربه مع اليهود ؟

ماذا سيحدث لو أوقفت دول الخليج ضخ النفط الى امريكا والاتحاد الاوربى ؟

عذرا ياغزه .... كل مااقوله هو لو ثم لو ثم لو ..... وكلها ستحدث لو كان لدينا زعماء أو قاده يشعرون بنا وبكم

الموت والحياه

2008-12-14T14:00:00.009+02:00

العدل والمساواه

لكل شىء نهايه والحياه الوضع الطبيعى لها ان تنتهى بالموت سواء كان طبيعيا أو صناعيا فكل ألوان الموت تتشابه بالنسبه للمقبلين عليه فلن يفرق الموت بين من مات على فراشه ولا من مات مشنوقا أو محروقا فأحساس الميت واحد فى جميع الحالات . ولو بحثنا عن العداله فى الدنيا نجدها تتمثل فى الميلاد والوفاه والفرق الوحيد هو ان هذا الحكم الآلهى واجب التنفيذ وليست هناك مجالات للنقض والأستئناف او ماشابه ذلك من القوانين الوضعيه فلم نسمع يوما عن مولود طلب تأجيل نزوله من بطن أمه ولم نسمع عن شخص أستأنف فى موعد موته وطلب تأجيله . ونجد أن الميلاد والموت لايفرق بين غنى وفقير ولا ابيض ولا اسود ولامسلم ولا مسيحى ولاذكر أو أنثى فالكل يولد ويعيش حياته طالت أم قصرت وستنتهى حياته بالموت فهل هناك عداله أكثر من ذلك وهل هناك مساواه اكثر من ذلك فى المعامله فالكل سواء أمام الموت وفى الولاده وحتى فى مايحدث بعد الموت هناك مساواه فى المعامله فالكل يتحول الى فناء ويذهب الى العدم .

ولكننا فى الفتره بين الميلاد والوفاه نتصرف وكأننا لانعلم هذه الحقائق . ودعك من الحساب بعد الموت والجنه والنار وماسوف يحدث . ولكن نجد أننا نتفنن فى طمس الحقائق الواضحه فينا ونعمد الى محاوله محوها من ذاكره الاخرين وأن نقنع الاخرين ان يتقبلوا أن هناك طبقات مجتمعيه تعلو على طبقات آخرى وأن هناك من هم أفضل من الآخرين وأحسن منهم ونحاول أن نصعب الحياه على البعض منا ونحرمه من التمتع بحياته المقرره له أو المقدره عليه وكأننا لدينا القدره على المنع والعطاء وننسى أننا سوف نواجه نفس مصير من نتحكم فى مصائرهم .

الحياه هى صفحه بيضاء لكل منا فنجد أن منا من يترك اثرا ومنا من يمر عليها مر الكرام كأنه لم يوجد فيها يوما وليس بالضروره أن يكون هذا الآثر جيدا فهناك من يتذكره الناس باأسوء الأشياء وهناك من نضع تحت أسمه الكثير من الخطوط وهناك من نضع أمام اسمه المزيد من علامات الاستفهام وهناك من نلعن أجداده كلما ورد أسمه وهناك من نترحم عليه ولكن العداله والمساواه تجعل الجميع ممن يطلق عليهم ( الراحلين ) .

فهل يتذكر الحاكم والمحكوم انهم سوف يواجهون الموت سيواجهون نفس الاحساس المخيف ونفس المجهول من المشاعر وهل يعرف هذا من يضع القوانين ويتفنن فى وضع الأستثناءات فهل هناك استثناء فى الولاده او الموت فلما ينسى بعضنا ذلك أن الأصل فى الدنيا هو العداله والمساواه ونحن البشر من نصنع الظلم والتفرقه بل والأسوء من ذلك أننا نتباهى به وندلل به على عدلنا وحكمتنا

------------------------------

2008-11-03T19:06:00.004+02:00

فين المصرى ؟

أنا فلاح نزلت مصر

أتمشى وأتغندر

وأشوف نفسى وأحوال

أخواتى ف البندر

لقيت الحال غير الحال

وحاجه تغم وتكفر

لقيت المصرى كئيب

الشكل والمنظر

من كتر الدق على راسه

وفى همومه بيجرجر

راحت البسمه والضحكه

ولا اتفضل ولا شكرا

سألت ياناس فين المصرى

أبو النكته أبوكاركتر

لقيت المصرى بدون روحه

ومات الأصل والجوهر

لا لاقى قوت يومه ولاحتى

بالصبر يتصبر

حكومه بتوزع الهم والغم

وعلى ولادنا بتتشطر

رجعت ببالى لآيام مرها

الشهد والسكر

وخرجت منى تنهيده وآآآه

من قلب بيفرفر

طلع من صدرى صوت

ولادانه بتتفجر

الله يرحمك ياجمال وألف

رحمه عليك ياأنور

----

2008-11-01T21:28:00.002+02:00

أين الله ؟

عندما نتجرد من عباءه الموروثات التى نجد أنفسنا عليها وعندما نحكم العقل المجرد تملأ الرأس الكثير من التساؤلات وقد نجد للبعض منها أجوبه ولكننا لانجد للكثير منها الأجوبه التى تشفى العقل من حيرته فمثلا :
أين الله ؟
أين المكان الذى يحوى كرسى العرش ؟
هل الله فى الأسلام غير الله فى المسيحيه واليهوديه ؟
ولو كان الله فى كل الديانات واحد فلم العبادات مختلفه ؟
ولما صلاه اليهود والنصارى تختلف عن صلاه المسلمين ؟
ولما الصوم مختلف فى الديانات عن بعضها ؟
ولو كان الله خلقنا لنعبده فلما نعصاه ؟
وأذا كنا كلنا من صنع الله وهو من يتحكم فى تصرفاتنا لما نخطىء ؟
وأذا اخطأنا فلما سيحاسبنا أذا كنا نتصرف حسبما خطط لنا ؟
ولو كانت العباده لله وحده فلما تركنا العباده وأختلفنا على الانبياء ؟
وفى النهايه هل مانمارسه من عباده يرضى الرب ؟
الأسئله كثيره ولو تجردنا من كل الموروثات فقد نصل الى طريق الالحاد وقد نصل الى معرفه الخالق بالصوره الصحيحه والخاليه من كل ماتركه اصحاب المصلحه من تعاليم ترضيهم ولا ترضى الخالق . لن اطيل فى الاسئله والتساؤلات ولكنى أطلب أجابات تخاطب العقل لا العواطف وأجابات لاتستند الى الكتب السماويه او الاحاديث المنقوله كابر عن كابر بل اريد اجابات تشفى غليل العقل وتقنعه

2008-09-02T00:53:00.002+02:00

الفارس

الكل قد اجتمع على أن التغيير قادم وأن استمرار الحال على ماهو عليه ضرب من الخيال . والجميع أصبح يعلم علم اليقين ان هناك مرحله قادمه فى تاريخ مصر ولكننا جميعا لانعلم موعد هذا التغيير هل هو غدا ؟ ام بعد يوم او سنه.. الكل يعلم باننا على ابواب عهد جديد ولكن هذا العهد كيف سيأتى ؟ وكيف سيحدث التغيير . هل هو تغيير سيكون سلميا ام هو تغيير سيكون عنيفا ودمويا . ولو حدث هذا التغيير من سيكون الفارس القادم وهل سيكون من خارج الاضواء ام من داخل البيت وهناك الكثير والكثير من الاسئله التى تشغل بال الكثيرين منا ولقد سألت الكثير من الاصدقاء فى مصر وحتى خارجها فأجمعوا على ان هناك تغير قادم ولكن لاأحد يعرف كيف سيتم ومن سيكون الفارس وهل هو فرد او مجموعه او سيتم بأيدى خارجيه . كل شخص يضع سيناريوا للحدث الجلل وكل فرد يتمنى ان يكون التغيير على هواه وفى صالحه وان يأتى التغيير ليحقق له احلامه.
وأنا كفرد من هؤلاء الحالمين او كنقطه فى محيط لى السيناريو الذى احلم به وان كنت سأحاول ان اكون منصفا او محايدا اوحالما فهى مجرد رؤيه قد تكون حلما او كابوس الا انى لاامنع نفسى من الحلم بها وأنا هنا أعرضها فقد يكون هناك من يشاركنى الحلم او الكابوس إلا أنى لست وحيدا فى حلمى هذا :-

البدايه

كان فى مصر ثلاث طبقات . الطبقه العليا( الحكام ورجال المال والسياسه) والطبقه المتوسطه(العمال والفلاحين والموظفين ) والطبقه المعدمه ( المهنيين والحرافيش) ولم تخلو مصر يوما من هذه الطبقات
وفى ظل عهود متتاليه كان هناك نمو لبعض الطبقات على حساب طبقات أخرى وبعد ثوره 52 حاول رجال الثوره زياده حصه الطبقه المتوسطه على حساب الطبقات الاخرى فكانوا يقضون على طبقه الاقطاع لحساب طبقه المعدمين وكانوا يأخذون من اموالهم ويعطون المعدمين حتى أصبحت هناك طبقه متوسطه تتعدى اكثر من نصف المجتمع المصرى . ونظرا لتوقف ضخ الفكر الثورى فى عروق رجال الثوره وركونهم الى التمتع بمكاسب الثوره وتفرغهم للمكاسب الشخصيه سواء كانت ماديه او معنويه او حتى فى تصفيه حساباتهم . أصاب الثوره العجز والشيخوخه وظهر على السطح من يدعون انهم ورثه الثوره اوأنهم امتداد للثوره - ولكنهم لم يكونوا إلا إمتداد للمستفيدين من الثوره والصاعدين على أكتافها .وبهذا انتهت الثوره وأرادو الألتفاف حول مكاسبها وأستطاعوا ان يسلبوا الطبقه المتوسطه كل المكاسب التى تحققت لهم فى بدايات الثوره. وبدأت الطبقه المتوسطه فى التآكل رويدا رويدا حتى اصبحت غير موجوده إلا بنسبه ضئيله وهم حائرون بين الطبقتين الاعلى والادنى فمن منهم استطاع ان يتسلق أصبح من الطبقه العليا ومن تمسك بمبادئه هوى الى طبقه المعدمين
وهكذا اصبحنا فى مجتمع فيه طبقه النصف فى المائه وطبقه الحرافيش والتى يصل نسبتهم الى اكثر من 99% من شعب مصر . وهنا وجب التغيير او تجديد الدماء فى عروق الثوره لتحقيق العدل الاجتماعى والمساواه كما نصت عليها الاديان.
كل هذه المقدمه لكى أبين السبب الرئيسى للتغيير فى مصر .فالوضع الحالى واستمراريته يعتبر ضرب من ضروب المحال بكل المقاييس

الثوره

وللسبب الذى ذكرته ستقوم الثوره او التغيير فمن هذا السبب نستخرج مئات الاسباب التى تدعوا الى التغيير كغياب العدل الاجتماعى وإنعدام المساواه بين الطبقات وأختلال ميزان الحياه بصعود الأمثله الخاطئه الى الاعلى وسقوط المبادىء والمثل العليا الى اسفل الترتيب الاجتماعى . كما ان هذا الاختلال بين الطبقات قد أدى الى ان يصبح كل شىء مباح بعد انتشار الفقر والحرمان والعوز والفاقه ومع تفاوت المستوى بين الطبقات وعدم شعور الطبقه الاعلى بالطبقه السفلى وهى الغالبيه او حتى محاوله رفع مستواها . بل اصبح هناك استفزازيه من الطبقه الحاكمه من رجال المال والسياسه . وعلى مبدأ ان الجوعان لايفكر فلابد ان تتكسر كل الفوارق بين الطبقات لنعيد توزيع الثروات لهذا البلد بطريقه عادله وأن يشعر كل فرد انه يمتلك جزء من هذا الوطن وأن نشعر بالانتماء لوطن يحمينا ونحتمى به وقت الشدائد ونحميه ضد كل اعتداء خارجى . وان يشعر الجميع انهم على قدم المساواه مع الجميع .
هذه هى الدوافع لقيام توره التغيير لتحقيق العداله والمساواة

الشراره

ولكل ثوره او حركه لابد من شراره تفجر الاحداث وهنا فى مصر دائما تكون هذه الشراره غير متوقعه او لسبب بسيط قد يمر على الجميع مر الكرام لان هناك ماهو اصعب واقوى قد مر على بلدنا ولم يحدث شىء وهذه الشراره لم تحدث حتى الان وأن كانت هناك بعض التباشير تقول انها قادمه وأن هناك بعض البروفات قد تمت فى بعض القرى والمراكز والمحافظات الا انها لم تكن بالقوه التى تؤهلها لكى تكون شامله او تعمم على مستوى القطر بالكامل وغالبا ماتستطيع الاجهزه الامنيه من احتواء هذه الشراره حتى لاتنتشر الى أماكن آخرى لأنهم يعلمون انه لو انتشرت فى كل الانحاء فلن يقدروا على مواجهتها او الوقوف فى وجهها فالاجهزه الامنيه تستطيع ان تسيطر على مدينه لكنها لاتقدر ان تسيطر على ثوره شعب لانها من نسيج هذا الشعب وتعلم ان هناك لحظات سوف تقف مع هذا الشعب ولاتواجهه لان الشعب هو حامى هذا البلد وليس الجيش او الشرطه . وان الشرطه والجيش هم ابناء هذا الشعب ولو تم تخييرهم بين النظام والشعب فسوف ينضمون لصفوف الشعب. وانا أظن ان الشراره الكبرى قادمه لاريب فى ذلك ولكن متى او من اين تبدأ فالله اعلم

سيناريو الحدث

سوف يبدأ الحدث بعد ان تنفجر الشراره الاولى فى مكات بسيط وغير متوقع ولسبب بسيط جدا وبعدها سنتشر مثل النار فى الهشيم وسوف تنتقل عدواها الى كل مكان وسوف يكون التنظيم فيها غائبا . إلا انه سيكون هناك ترابط فى التوجه بسبب الهدف المشترك وهو تغيير الوضع وعدم استمراريته وهذا التغيير لن يحدث الابغياب النظام المسيطر وابعاد كل مايرمز له عن الصوره
وقد يكون عدم وجود قياده موحده للحدث سببا فى عدم السيطره الامنيه على الحدث وسيكون ايضا سببا فى تجاوزات لان الحدث سيكون خليطا من الثوره الفرنسيه وثوره البلاشفه وسيكون الهدف هو تدمير الطبقه الحاكمه وكل ماترمز له وهذا التدمير سيكون ماديا بالأباده التى ستصل الى حد القتل وتدمير معنوى بسحب كل امتيازات وسلطات هذه الطبقه
وفى غياب القانون وآى قانون سوف تكون هناك تجاوزات من قتل وسرقه ونهب يقابلها حالات هروب جماعى واختباء وأن يتنصل اتباع النظام السابق منه ولكى يثبتوا تبرئهم سيكونون اشد قسوه وبطشا ضده وسيكونون هم الادله والموجهون لغضب الجماهير الى مراكز القوه والضعف فى النظام لتحطيمه وتجريده من قوته.
وأعتقد ان هذه الحاله سوف تستمر عده ايام حتى يتم التطهير والتطهر والتنفيث عن الغضب واشباع الرغبه فى الانتقام والثأر وبعدها سوف يبدأ السؤال الذى سيطرح نفسه على الجميع بدون اى ترتيبات. ماذا بعد ؟
وهنا سيأتى دور البحث عن القياده وخلق الترابط وتوحيد الاتجاه فى الفتره القادمه. وستكون هذه هى اولى الخطوات فى خلق التنظيم او النظام القادم وبعدهاستبرز ملامح القائد فى المرحله القادمه

ظهور الفارس
(مرحله جديده وقائد جديد)

بعد ان تهدأ الامور وتسيطر الطبقه المعدمه او الطبقه الثائره على مقاليد الأمور - ستكون كل مجموعه قد سيطرت على حيز معين او منطقه معينه وسيجدون أنه لابد من التعاون بينهم ووجود ترابط لتحقيق هدفهم وهنا سيبدأ الشكل العام للتنظيم فى التشكل والظهور وسوف تظهر هنا قيادات لم تكن اصلا معروفه وسيحدث الترابط بسرعه لوحده الهدف والتوجه وبعدها ستبدأ مرحله الاندماج والتى سينتج عنها ظهور شخصيه القائد او الفارس للعهد الجديد . والفارس سيكون على غير المتوقع فهو سيكون شخصيه عاديه فى كل شىء غير مميز فى تعليمه او ثروته ولكنه شخص سيخرج من بين الجموع وستضطره الامور الى البروز عن الجميع وسيكون مكرها على القياده زاهدا فيها وغير ساعى اليها. ومن سماته انه شخصيه مسيطره على من حوله بالحب والعطاء. والفارس سيتم تكوينه فكريا عن طريق التشكك فى النظام السابق وسوف تقوم الاحداث بصنع هذا الفارس.اما عن توجهات هذا الفارسفعلى مااعتقد سيكون خليطا من الاشتراكيه دون اهمال للجانب الدينى وستكون المثل العليا والافكار الساميه هى مكونه الاساسى فى كل توجيه او تصرف
--------------------------------------------------------------------
وحتى يأتى هذا اليوم وان يتحقق الحلم او الكابوس فلن نمنع انفسنا عن الحلم.

المدونون .. أبطال من ورق

2008-08-25T16:39:00.002+03:00

أبطال من الورق

فى عالم من الوهم او عالم أفتراضى نشأت المدونات وفى عالم يحتوى كثيرا من الحريه نشأت المدونات وهذه المدونات قامت بفعل فاعل وهو المدون والمدون هنا ايضا شخص وهمى او أفتراضى الكثير منهم يعانى من الشيزوفرينيا فعندما تقرأ لاحد المدونين وترسم له صوره فى خيالك انت من تضع الخطوط وانت ايضا من تتخيل الملامح ويمكنك ان تتخيل هذا المدون بعيون خضراء وشعر اصفر وهذه المدونه تتخيلها فى الصوره التى تقرئها بها وكم من المدونين كنت اراهم جبالا شامخه وكنت أحس فى كتاباتهم بالقوه والعنتريه وكم من المدونات أحسست بهم فى قمه الرومانسيه والحلم وهناك من تخيلت أن لى معهم قصص وكنت أضع السيناريو لهذه القصص وكنت احيانا اضع لها النهايات . كل هذا الحلم وهذه الاحلام تتحطم عندما تواجه الواقع وتتكسر أمواجها على شواطىء الحقيقه . ولن ابالغ لو قلت انها ترسب فى اى أمتحان بدرجه الامتياز فعندما أحضر اى لقاء يجمع المدونين أجدنى أخسر احدهم او اخسر كثيرين لانه بمجرد مطابقتى للحلم بالواقع تتحطم عندى صور كثيره ويسقط من احلامى الورديه العديد من الصفحات أو اصاب بمرض الشك والتشكك فى مقدرتى على قراءه الناس فكم من مدون أو مدونه أعجبت بهم وعندما تحدثت معهم وجدتهم يتلعثمون فى نطق الحروف ومنهم من لايكون صاحب الافكار التى يطرحها او يطلق فكره مثل فقاعه وتنتهى فى لحظات . وهناك مدونه تقرأ لها احلى كلام رومانسى سمعته فى حياتك وعندما تلاقيها تجدها بمقاييس الجمال المتعارف عليها ينقصها الشارب وتصبح أحد اصدقائك . وهناك أحدى المدونات ولن أذكر اسماء كنت أقرأ لها فكنت اتخيلها فى صوره مثل فيفى عبده لاتستحى من شىء ولاتخشى من أحد وكنت اتخيلها انها على استعداد ان تدخل فى مباراه مصارعه او ملاكمه أذا لزم الآمر لكن عندما رأيتها اول مره فى حياتى فوجئت انى امام أنسانه عاديه بل اكثر من عاديه وجدت فيها انثى يحمر وجهها خجلا من كلمات بسيطه وتتلعثم حياء وتسقط الكلمات منها وتكاد تضع وجهها فى الارض طول الوقت . وأراها مثل أختى الريفيه البسيطه تستحى وتخجل 0 وكنت أسأل نفسى اين هى كاتبتى العملاقه التى تحطم كل التابوهات وتكسر أصنام العادات والتقاليد اين البطله فأجدنى قد أطبقت يدى على خواء وفراغ وأن ماحلمت بهم ماهم الا ابطال من ورق صنعهم خيالى.

عايز حقى

2008-06-14T14:46:00.003+03:00

عايز حقى

اتمنى ان اكون مواصن مثل بقيه خلق الله . ان اكون انسان آدمى . ان احصل على حقى فى ان اكون بشر مثل غيرى من البشر . هل ذنبى انى ولدت فى المكان الخطأ او فى الزمان الخطأ . وهل ذنبى انى ولدت فى مجتمع لايعترف بحقوق الانسان . مجتمع لايعترف الا بقانون الغاب ويؤمن بسياسه القوه فى فرض الامر الواقع ....

عايز حقى : فى ان اكون مواطن من حقى ان اترشح ومن حقى ان اكون ناخبا وأن يكون لصوتى قيمه فى اى انتخاب . وان يكون الانتخاب حرا بدون تزوير او عراقيل امنيه

ان يكون لى رأى في من يحكمنى وفى اى قرار يتخذه الحاكم لانه يؤثر فى حياتى .

عايز حقى : فى رغيف عيش تقبله النفس وان يكون متوفرا واستطيع دفع تمنه

عايز حقى : انى اتعلم وولادى يجدوا مدارس لهم ويتعلموا صح بدون دروس خصوصيه

عايز حقى : انى لو مرضت اجد مستشفى يعالجنى وان اجد الدواء المناسب وان يكون متوفرا

عايز حقى : فى ان تكون كل القرارات التى تصدر عن الحكومه وتخص الناس تحمل اكبر قدرا من الشفافيه ولا تتخذها الحكومه من خلف ستار

عايز حقى : فى اعتناق اى فكر او دين بدون ان يتهمنى البعض بالكفر او يتهمنى الاخرين بقلب نظام الحكم

عايز حقى فى انى أكون انسان وبس !!!!!

استقالتى من الحزب الوطنى الديمقراطى

2008-03-08T15:11:00.002+02:00

استقالتى من الحزب الوطنى الديمقراطى

هذة صورة استقالتى من الحزب الوطنى الديمقراطى قدمتها بعد المهازل التى يقوم بها نواب

جهلة متخلفين يقومون بتصفيه حساباتهم مع اعضاء الحزب وبذلك يقضون على الكوادر

أصحاب الخبره فى العمل السياسى . لذا فلنبتعد عن العمل الحزبى فترة ونراجع مواقفنا مع أنفسنا فاأبتعادى عن الحزب لن اخسر كثيرا بل الحزب هو الخاسر لافراغه من كل الكوادر

السياسيه . اما انا فسأكون كما عهدنى الناس فى خدمتهم دائما.

2007-12-31T18:27:00.000+02:00

اية حكاية البحور والغرق
وزهرة شبابكم يامصريين

البحوربتاكل فى شباب البلد
نلاقيها من الشمال ولااليمين

عبارات البحرلاحمرشبابنا
سافروا رجعم لنا غرقانين

ولما سافروا ايطاليا ولادنا
وشبابنا راجعين لنا جثامين

وحتى المية ف نيلك ياأسنا
لوفى الميكروباس راكبين

بالذمة ياناس دى صدفة قدر
ولا أحنا وولادنا مقصودين

أصل عندنا الحكومة رشيدة
عايزة تقلل نسبة المصريين

وعددهم السبب ف البلاوى
يخلفوا وللفولة مش فاهمين

يعنى هيجرى اية لو نقصوا
من البشر مليون ولا أتنين

لأن عدد المصاروة بقى كبير
وهى خايفة عليكوا شر العين

تسيبكم كدة تكتروا وتتحسدوا
وتشحتوا وتبقوا زى الصين

تركب قطرالحكومة تحرقك
ببلاش بدون جاز ولا بنزين

لوفى طيارة جدعنة تنسفك
يعنى هتكون عزيزعن مين

اماالعبارات هى دى لعبتها
ورجالتها بالأشارة جاهزين

بصراحة كدة ومن الآخر
انتم كدة ميتين وكدة ميتين

ولايكونشى عندكم عمى نظر
وبتحسبوا انكم بشر وعايشيين

لوتلاقى واحد بس اللى بيشتغل
بيجرى على جيش من العاطلين

يلا ياعم مصرى عجل بعمرك
وبلاها قرف وعيشة ذى الطين

خايف لا فى الآخرة يحاسبونا
لخوفنا وسكوتناعلى الظالمين

نغمس لقمة العيش بمزلة
ونطاطى رؤوسنا للواطيين

نسجد ونركع لسيدنا الجنية
ونصلى ورا اوسخ الوسخين

وندعى بالعكس على الظالم
ونقولها بصدق يارب امين

كلام فلاح مصرى

2007-11-13T15:20:00.000+02:00

كلام فلاحى

أنا م الريف ودمى خفيف
ساعات ..... وساعات
أكون قاسى وباأبقى سخيف

مع الظالم لاأنا طبال ولازمار
ولاهانافق ولا هتييف

ولا بالروح ولا بالدم هاافتدى
سيادتة .. امة دة اصلة كثيف

أحب العدل والحاكم العادل ودا
منة إسمى أخدتة صفة وتعريف

أقول الحق مهما يعملوا فيا
وآية يعنى هاأموت شحات
المهم يبقى كفى نضيف

مع الغلبان باأكون جابر
وع الظالم تملى عنيف

احب الارض والخضرة
والنوم فى ضلاية شجرة
على الترعة فى عز الصيف

واكرة الفقروالفقرى
والجهل والجاهل
وابو العريف

ها أبسط لكم الفكرة
واشرحها واوضحها
بدون لبث ولا تحريف

كلامى بااقولة من قلبى
لاخوانا شباب اليوم
بدون غش ولا تزييف

يعنى ماتبقاش حد تانى
غير نفسك وكن نفسك
بلا تظاهر ولا تكليف

ما تتغرش بعلم حديث
وحديثك يكون واضح
ومتواضع بدون تأفيف

ولما تكلم حد كبير عنك
تحترم سنة وخبراتة
وتبقى محترم وظريف

انا والنت

2007-08-05T21:41:00.000+03:00

اعترافات نتاوى

انا فلاح من ارض الدلتا
بانام ع الارض من غير شلتة
نزهى واقرع وطالع فلتة
دايما غاوى أتمنظرعلى زملاتى
ف اهل الحتة

***

سمعت شباب بيقولوا قهاوى
نت وماابصر اية وكافية
ورحت معاهم سيبر
مش عارف كان اسمة اية
وادونى جهاز وقالوا لى عيش
ومايعرفوش انى حمار يابية

***
لما غلبت روحت وشارى
جهاز فى البيت
جبت جهاز م النوع الغالى
غالى وعالى فى التظبيط
جبتة بعد مابعت هدومى
ونص الغيط
جايز يمكن تقولوا غشيم
ولا ضرورى الواد دة عبيط
وجبت معايا واد نتاوى بيعلمنى
شغل النت والتشييت

***

فى ساعة ستر واناعلى الياهو
ورحت وعامل احلى اميل
وكنت بأقعد مربوط جنبة
م الضهرية لحد ت نص الليل
اكلم دي واعاكس دي
واقول للتالتة ياواد ياجميل
كلامى اونطة وكلة هاجايص
سارق نصة م المواويل
وهات ياغرام وهات ياهيام
وفاكر نفسى روميو زمانى
طلعت ب .... ديل

***
وفى النهاية واةةةةةةةة م الاخر
حبيت بنت من ع النت
***
بت حكاية دلع اية ودلال اية
حاجة مابنشوفها غير فى الافلام
واموت فيها واوعدها وامنيها
بأحلى كلام
ولما اقفل بالاقيها شريكة عمرى
حتى ف الاحلام
اصورها واقصرها واطولها
واغيرها مع الايام
حتى عينيها لونها باشوفة
زى مابيجينى فى أحلى منام
تقولى ياعمرى قلبى بيحبك
اقول ياقلبى كدة كفاية . حرام
واخرتها طلعت حمار
وعشت معاها فى الاوهام
اتارى البت فى اميلها يدوب
صورة من قدام
والاقى وراها واد صايع بيتمايع
عاملنى تسالى
وانا مدهول بعيد عنكم
ولا على بالى
طشت وواقع لحد ودانى
فى الاحلام
انا كان مالى ماكنت ف حالى
وادى اخرتها يامفتح
تعشق بنت م الاوهام

***

عجبى عليك يابحر النت
لما عملت فيك فى يوم عوام
اشترى الكوسة تطلع بامية
والجلابية لابسها بدون اكمام

كتبها
(مغفل نتاوى)
دى اخرتها

الحزب العالمى للحمار

2007-06-07T19:02:00.001+03:00

مين الحمار

ظهرت فى وسائل الاعلام عندنا فى الفترة الاخيرة اغنية لمطرب من مطربين اليومين دول تقول الاغنية باحبك ياحمار .جعلتنى هذة الاغنية افكر فى العلاقة بيننا وبين الحمار ولماذا الحمار بالذات نغضب عندما يصفنا احد باننا من بقية اهلة ولماذا لانغضب لو قالوا لنا .يااسد مثلا مع اننا نعلم ماذا يقولون عن ام الاسد وزوجتة ونعتبر وصفنا بالاسد دليل على الجراءة والبطولة وقد امتلآ ادبنا بالعديد من الاسماء للاسد ولم نغضب لو وصفنا الناس باى اسم للاسد ولانغضب الا من الوصف بالحمار .ولقد كتب اديبنا الكبير توفيق الحكيم احد كتبة عن الحمار وكان اسم الكتاب حمارى الفيلسوف وقد حاول ان يصف لنا باسلوبة الذكى ان الحمار ينتمى الى طائفة من الفلاسفة حتى وان كان حمارة فى الكتاب مازال وليدا الاانة اصر على ان يستلهم منة ومن نظراتة الحكمة والفلسفة وان يبين لنا كم نحن مخطئون فى حق الحمار او ظالمين لة هذا فيما مضى اما اليوم فأمريكا بصفتها حامى الحمى حاليا وقدوة للعرب قد اتخذت من الحمار رمزا لاحد اكبر احزابها ومع ذلك لم نسمع ان هناك مطربا امريكيا وقف وقال انا باحب حزب الحمار او غنى لة وقال باحبك ياحمار. ولو قال لك احد واصفا اياك انك حمار وذهبت الى المحكمة وقاضيتة بتهمة السب العلنى فهذا من حقك والقانون معك وقد تطالبة بالتعويض فى قضية السب العلنى وستجد الجميع معك من قانون وقضاء مع ان الحمار من الحيوانات التى ذكرت فى القرأن (فى قصة العذير) وقد جعل اللة منة اية للنبى العزير حتى يرى كيف نكسو العظام لحما.كل هذا ونحن نصف الحمار بالغباء فماذا يفعل الحمار لنا حتى نغيير فكرتنا الظالمة عنة هل يدخل امتحانات الثانوية العامة مثلا او يحصل على رسالة دكتوراة يسرقها من النت ويعلقها على صدرة هل فشل الحمار فى اى شىء علمناة لة ولم يحفظة عن ظهر قلب وماهى الاسباب التى دفعتنا من الاساس لتكوين هذة الفكرة فالحمار لم نراة يوما يعصى امر لصاحبة ويتحمل منة الاهانات من ضرب وسب ولم يحدث ان عامل صاحبة بمعاملتة اذا امرة ان يجر عربة لا يرفض واذا وضع علية احمالا لايرفض يطعمة وقت مايشاء ويسقية وقت مايريد وهو متحمل لكل مأسى البشر وهو صابروصامت لقد بحثت كتيرا ولم اجد اى سبب تاريخى يدعونا نحن البشر الى ظلم الحمار ولصق صفة الغباء بة فهناك فى البشر من هم اغبى تصرفا من الحمار وياتون افعالا لم نسمع ان حمارا قد اتى بها فرئيس امريكا والذى وصفتة امة بالغباء عندما قالت : لقد اصبح اغبى ابنائى رئيسا لامريكا وتورط هذا الغبى فى افغانستان والعراق والعديد من تصرفاتة التى لايمكن وصفها الا بالغباء ومع ذلك مازلنا مصرين على ان الحمار ماهو الا رمزا للغباء والتخلف
وبعد تكريم الخالق لة وتكريم العقلاء من البشر من امثال استاذنا توفيق الحكيم اصبح لزاما علينا ان نرد للحمار هيبتة وكرامتة وان ندافع عن حقوق الحمار وان نقول مع المطرب الشعبى وانا كمان بااحبك ياحمار
وانى اسأل بعد الصورة المرفقة مين الحمار

ابو النجوم