اعترافات نتاوى
انا فلاح من ارض الدلتا
بانام ع الارض من غير شلتة
نزهى واقرع وطالع فلتة
دايما غاوى أتمنظرعلى زملاتى
ف اهل الحتة
***
سمعت شباب بيقولوا قهاوى
نت وماابصر اية وكافية
ورحت معاهم سيبر
مش عارف كان اسمة اية
وادونى جهاز وقالوا لى عيش
ومايعرفوش انى حمار يابية
***
لما غلبت روحت وشارى
جهاز فى البيت
جبت جهاز م النوع الغالى
غالى وعالى فى التظبيط
جبتة بعد مابعت هدومى
ونص الغيط
جايز يمكن تقولوا غشيم
ولا ضرورى الواد دة عبيط
وجبت معايا واد نتاوى بيعلمنى
شغل النت والتشييت
***
فى ساعة ستر واناعلى الياهو
ورحت وعامل احلى اميل
وكنت بأقعد مربوط جنبة
م الضهرية لحد ت نص الليل
اكلم دي واعاكس دي
واقول للتالتة ياواد ياجميل
كلامى اونطة وكلة هاجايص
سارق نصة م المواويل
وهات ياغرام وهات ياهيام
وفاكر نفسى روميو زمانى
طلعت ب .... ديل
***
وفى النهاية واةةةةةةةة م الاخر
حبيت بنت من ع النت
***
بت حكاية دلع اية ودلال اية
حاجة مابنشوفها غير فى الافلام
واموت فيها واوعدها وامنيها
بأحلى كلام
ولما اقفل بالاقيها شريكة عمرى
حتى ف الاحلام
اصورها واقصرها واطولها
واغيرها مع الايام
حتى عينيها لونها باشوفة
زى مابيجينى فى أحلى منام
تقولى ياعمرى قلبى بيحبك
اقول ياقلبى كدة كفاية . حرام
واخرتها طلعت حمار
وعشت معاها فى الاوهام
اتارى البت فى اميلها يدوب
صورة من قدام
والاقى وراها واد صايع بيتمايع
عاملنى تسالى
وانا مدهول بعيد عنكم
ولا على بالى
طشت وواقع لحد ودانى
فى الاحلام
انا كان مالى ماكنت ف حالى
وادى اخرتها يامفتح
تعشق بنت م الاوهام
***
عجبى عليك يابحر النت
لما عملت فيك فى يوم عوام
اشترى الكوسة تطلع بامية
والجلابية لابسها بدون اكمام
كتبها
(مغفل نتاوى)
دى اخرتها
هناك ٧ تعليقات:
موضوع مطروح فعلا النت بقي عامل مشكلة في البلد
بس انا عاوزة ااقولك حاجة
الفلوس سلاح ذو حدين النت زيها يانستخدمه صح يا غلط
اما بالنسبة للحب فالحب الحقيقي النقي الطاهر لا يعرف ولا يؤمن بالحواجز لا بالمكان ولا بالزمان
لكن بالارواح المؤمنة ليه والمخلصة
سواء علي القهوة علي النت في صالون العيلة في الشغل في الكلية مش فارقة المكان ولا الزمان
المهم مين بيحب مين وليه وعشان ايه
تحياتي
استاذنا حط لينك لمدونة جيران عشان نعرف
ههههههههههههههههههههههه
لذيذه اوى
بجد جميله و يا بختك يا عم لائيت بنت حلوه فيه
نصيحة اخ
ما دام لقيت الحب ماتسبوش يضيع منك
تحياتي
العندليب
نصيحة اخ ما دام لقيت الحب ماتسبهوش يضيع منك مهما حصل
تحياتي
العندليب
موضوع جميل
ولاكن يحتاج الى نظر
تحياتى لك
هههههههههههه
مشكله فعلا احنا عيزين الى اهم من التكنولوجيا ( هى بتتكتب كده صح ) ثقافه التكنولوجيا
تحياتى
إرسال تعليق