كلام فلاحى
أنا م الريف ودمى خفيف
ساعات ..... وساعات
أكون قاسى وباأبقى سخيف
مع الظالم لاأنا طبال ولازمار
ولاهانافق ولا هتييف
ولا بالروح ولا بالدم هاافتدى
سيادتة .. امة دة اصلة كثيف
أحب العدل والحاكم العادل ودا
منة إسمى أخدتة صفة وتعريف
أقول الحق مهما يعملوا فيا
وآية يعنى هاأموت شحات
المهم يبقى كفى نضيف
مع الغلبان باأكون جابر
وع الظالم تملى عنيف
احب الارض والخضرة
والنوم فى ضلاية شجرة
على الترعة فى عز الصيف
واكرة الفقروالفقرى
والجهل والجاهل
وابو العريف
ها أبسط لكم الفكرة
واشرحها واوضحها
بدون لبث ولا تحريف
كلامى بااقولة من قلبى
لاخوانا شباب اليوم
بدون غش ولا تزييف
يعنى ماتبقاش حد تانى
غير نفسك وكن نفسك
بلا تظاهر ولا تكليف
ما تتغرش بعلم حديث
وحديثك يكون واضح
ومتواضع بدون تأفيف
ولما تكلم حد كبير عنك
تحترم سنة وخبراتة
وتبقى محترم وظريف
هناك ٩ تعليقات:
بارك الله فيك
اسلوب رائع جدا
نريد المزيد
تحياتى لك
كلام فى الجون
اسلوب رائع
تحيااااااااااااااتى
وعل الماشي وانا ماشي
بصبح لحسن تقول ناسي
جميل ما خطه قلمك
لسه هناك من يعتز بطين الارض ويتمسك بيها ..
دمتم بكل ود..
خالص تحياتي
الله الله ياعم ابو النجوم وحشنى كلامك وصراحه اسلوبك بس للاسف الفلاح المصرى معتش كده ده كلام فلاح اصيل
تحياتى
ابو النجوم
احب احيكي علي البوست الرائع ده
مما جاء فيه من كلامات معبره
ومشاعر واحاسيس
ونريد المزيد من التفوق
تحياتي
ابو النجوم
احب احيكي علي البوست الرائع ده
مما جاء فيه من كلامات معبره
ومشاعر واحاسيس
ونريد المزيد من التفوق
تحياتي
كلام جامد جدا
انا منتظرة بوستات منك جديدة
ومنتظراك تزورنى
ابو النجوم
ايه الجمال والروقان دا
قووووووووووول ياعم الشيخ نجم قووووووووول
طلع المواهب دى
وبلالالاش كدا
أيه ياعم ابو النجوم الجماااااال دا
بجد
بجد
انت بخيل
متحرمناش ياعمونا من الحاجات الكميله دى
قول ياابو النجوم قول
إرسال تعليق